Tumhari adaon ki aadat si ho gayi hai,
is aadat se ek mohabbat si ho gayi hai.
Ye mohabbat yun hi paak rahe,
isliye in dooriyon ki ek chahat si ho gayi hai...

Kahaan Kho Gaye?

Yaadon ke kohre mein bhatke huye chale the hum,
dil ke aaine par barson se dhool gayee thi jam.
Jeevan ke patjhad mein bhi tumhara phool khila hai,
aaj arson ke baad guftgu karne ka mauka mila hai.
Mere rom-rom mein tumhari khushbu basti hai,
par meri baahon mein nahi tumhari hasti hai.
Aise mein jaagi hai pehlu mein ek khamosh-si rahat,
kahin se ubhri hai ek dabi hui chahat.
Suraj dhalte-dhalte ho gayi hai shaam,
pattiyan jaise gunguna rahi ho tumhara naam.
Srishti ke kan-kan mein tumhari kar rahe hai khoj,
inhi khayalon se badhta hai is dil ka bojh.
Kahin gehri vaadiyon mein ho gaye ho ghum,
na jaane khaan kho gaye ho tum.

Umeedein bahut rakhta hai yeh dil,
hain bahut si khwahishein ismein.
Phir hoga deedar aapka, aisi ek umeed hai,
baahon mein le aapko, khwahish ek aisi hai.
Khwahish hai ki choome aapke labon ko,
phir sawarein in bikhri zulfon ko.
Gar tuta yeh khwaab to na jaane kya hoga,
mere is dil ke armaano ka kya hoga.
Gar yeh khwahishein ek khwaab bankar reh jaayegi,
to zindagi meri ek zinda laash bankar reh jaayegi...

Hum hain aapki khidmat mein,
aur aap gairon ko yaad karte ho.
Pasand karte ho humko,
phir auron se dillagi ki baat karte ho...

Na jaane woh heera tha ya kaanch tha
heera tha to toota kyon?
kaanch tha to chamka kyon?

Socha tha is dafa hogi mulaqaat aap se,
par socha na tha ki deedar na hoga.
ummeedein to bahut thi is mausam se,
par socha na tha ki intezaar aur bhi hoga...

Hi there!

Remember my pen-shy friend and the shayari? Well, on my persuasion, he has decided to come out in open. Yay!!!!

For those who came here directly without visiting Unsuni Awaaz, let me recap what my pen-shy friend said in his first published shayari:

Hoti hai taqleef is dil ko
phir bhi dil jalaane ko jee chahta hai
milti hai bewafai is raah mein
phir bhi ise azmane ko jee chahta hai

This way, every now and then, my gumnaam shayar friend and I will be posting his shayari and my kavitas.

Feel free to drop in your comments on these two Pal Do Pal Ke Shayar. ;)