Bayan karne ko hain batein hazar,
bas lafzon ki kami mehsoos hoti hai.
Samandar hai samaya ishq ka is dil mein,
pesh karne ke liye nazdikiyon ki kami mehsoos hoti hai...

Ek koshish... dost ke liye!!!

Dil ki tamanaon ki gehrayion mein jhank ke dekha to yeh jaana,
ki khwayishein to bahut hain is dil ki,
na jane khwab kaise poore honge.
Jab mulaqat hui us shaks se jiske khwab har pal dekha karte hain,
to yeh jaana ki gehraiyan aur bhi gehri ho sakti hain....

Na koi gila hai na koi shikwa zindagi se
Phir bhi na samajh sake kya chahiye zindagi se...
Kya milega zindagi se

Likhne baithte hai shayari, na jaane kyon kavita likh baithte hai.
Jaate hai pyaar baantne, par takraar kar baithte hai.
Shuruvat karte hai zindagi jeene ki, na jaane kyon zindagi kaatne lagte hai...

After a Long Long Time

Pata nahi kya chahiye zindagi se,
Na jaane kya milega is zindagi se.
Dil ko jo bhaata hai daudte hai uske peechhe
Duje hi pal dil bhar jaye to bhagte hai usse hum
Lagta hai kabhi to jiyein to kabhi mar jayen
Sochte hai jiyen to kyo jiye, mare to kyon
Kabhi tanhayi ka aalam hota hai, kabhi tanha nahi hote
Kabhi tanhayi saath chhod deti hai to kabhi log
Kya isi kashmakash mein jeene ko zindagi kehti hai ye duniya
Agar nahi to kya hoti hai zindagi
Pata nahi kya chahiye zindagi se,
Na jaane kya milega is zindagi se...

Umeed ki shama dil mein jalaye rakhna,
umeed par to duniya chalti hai.
Shama na bujhana andhere ka darr hai
shama tez na karna isse ruh jalti hai...

Is kadar kareeb aa jayenge,
sapnon mein bhi socha na tha.
Yun khayal bhi judne lagenge,
aisa kabhi bhi socha na tha.
Ab jo mil gaye to yun bichhdenge,
itni door tak humne socha na tha....

Tumhari adaon ki aadat si ho gayi hai,
is aadat se ek mohabbat si ho gayi hai.
Ye mohabbat yun hi paak rahe,
isliye in dooriyon ki ek chahat si ho gayi hai...

Kahaan Kho Gaye?

Yaadon ke kohre mein bhatke huye chale the hum,
dil ke aaine par barson se dhool gayee thi jam.
Jeevan ke patjhad mein bhi tumhara phool khila hai,
aaj arson ke baad guftgu karne ka mauka mila hai.
Mere rom-rom mein tumhari khushbu basti hai,
par meri baahon mein nahi tumhari hasti hai.
Aise mein jaagi hai pehlu mein ek khamosh-si rahat,
kahin se ubhri hai ek dabi hui chahat.
Suraj dhalte-dhalte ho gayi hai shaam,
pattiyan jaise gunguna rahi ho tumhara naam.
Srishti ke kan-kan mein tumhari kar rahe hai khoj,
inhi khayalon se badhta hai is dil ka bojh.
Kahin gehri vaadiyon mein ho gaye ho ghum,
na jaane khaan kho gaye ho tum.